دوای دوورکەوتنەوە لە بواری تۆپی پێ و زوومی کامێرای میدیاکان، ماسیمیلیانۆ ئالێگری ڕاهێنەری پێشووی یانەکانی میلان و یوڤانتۆس چاوپێکەوتنێک لەگەڵ تۆڕی سکای سپۆرت ئەنجامدەدات.
ڕاهێنەرەکە ئاماژە بە چەندین بابەتی گرنگ دەکات، لە نێوانیاندا تەوەری گەڕانەوەی بۆ بواری تۆپی پێ و کارکردنی لەگەڵ یانەی یوڤانتۆس، ئەمەش کورتەیەکە لە چاوپێکەوتنەکە.
ڕیاڵ مەدریدی ڕەتکردووەتەوە
” سێ ساڵ لەمەوبەر ڕیاڵ مەدریدم ڕەتکردەوە، ئەوکاتە بەڵێنم بە یوڤانتۆس دابوو لەسەر کارەکەم بەردەوامبم، ئەوە تاکە ئۆفەرە کە ڕەتمکردووەتەوە و لە ئێستادا ئامادەم بگەڕێمەوە بۆ ناو یاریگاکان بەتایبەت لە مانگی تەموزەوە”.
نازانێت یوڤانتۆس کێشەی چییە
” یوڤانتۆس گەیشتووەتە فاینەڵی جامی ئیتاڵیا و سوپەری ئیتاڵیاشیان بردووەتەوە و لە چوارینەی لوتکەی کالچیۆدان، نازانم لەم وەرزەدا لە چییان کەمە”.
دوو یاریزانی زۆر جیاوازن، دەمەوێت بڵێم یەکێکیان مەزنترینە و ئەوی دیکەیان باشترینە
دەگەڕێتەوە؟
” ئێستا ئەندریا پێرلۆ ڕاهێنەری یانەیە، بە بۆچوونی من کارێکی باشدەکات، ناتوانم لەوە زیاتر بڵێم، چونکە ئاگاداری وردەکاریەکان نیم”.
کریستیانۆ ڕۆناڵدۆ
” ئەویش مرۆڤە و هەڵە دەکات، بەڵام ئەو یاریزانانەی دەتوانن بەرگریکاران تێپەڕێنن و بە ڕاکردن بگەنە ناو ناوچەی سزای ڕکابەران کەمن”.
نهێنی ڕۆناڵدۆ چییە؟
” هێزی ڕۆناڵدۆ بە ئەقڵیەت و بیردنەوەیەوە بەندە کە تەنها و تەنها بردنەوەی دەوێت، پێنج تۆپی ئاڵتونی بەدەستهێناوە و چەندینجاریش بووەتە پاڵەوانی چامپیۆنزلیگ، لەگەڵ ئەوەشدا هەموو ڕۆژێک پاڵپێوەنەری بۆ چنینەوەی نازناوەکان بەهێزتردەبن”.
مێسی یان کریستیانۆ؟
” مێسی یان کریستیانۆ.. لە ڕاستیدا نازانم، ئەوان دوو یاریزانی زۆر جیاوازن، دەمەوێت بڵێم یەکێکیان مەزنترینە و ئەوی دیکەیان باشترینە”.
