هەواڵگریی سەربازیی عێراق ڕایگەیاند، “حەوت تیرۆریست لە بەغداد دەستگیركران.”
بەگوێرەی ڕاگەیەندراوی بەڕێوەبەرایەتیی هەواڵگریی سەربازیی عێراق كە ئەمڕۆ چوارشەممە 10ی ئازار بڵاوكراوەتەوە، “هێزێكی هاوبەشی هەواڵگری و لیوای سەرۆكایەتیی كۆمار و فەرماندەیی ئۆپەراسیۆنەكانی بەغداد، حەوت تیرۆریستی داعشیان لە بەغداد دەستگیركردووە.”
ئاماژە بۆ ئەوەش كراوە كە پشتبسەت بە زانیاریی هەواڵگری، تیرۆریستەكان لە ناوچەی دۆرە لە باشووری بەغداد دەستگیركراون.
ڕاگەیەندراوەكەی بەڕێوەبەرایەتیی هەواڵگریی سەربازیی عێراق دەڵێت، “ئەو تیرۆریستانە هەڵهاتبوون و ماوەیەك بوو لە هەرێمی كوردستان خۆیان شاردبووەوە، دواتر لە ناوچەی دۆرە خۆیان حەشاردابوو.”
