موقتەدا سەدڕ سەرۆكی ڕەوتی سەدڕ داوا لە بازرگانان دەكات نرخی خۆراك و پۆشاك و سوتەمەنی بەرزنەكەنەوە.
لە تویتێكدا كە ئەمڕۆ دووشەممە 21ی كانونی یەكەم بڵاویكردووەتەوە، موقتەدا سەدڕ سەرۆكی ڕەوتی سەدڕ ڕایگەیاندووە، “برایانی بازرگان، بازرگانییەكتان نیشان دەدەم كە زیانی تیادا نییە، ئەوەش یارمەتیدانی گەلەكەتانە: برا و رۆڵەكانتان كە لەم قەیرانە ئابورییەدا بەدەست هەژاری و نەدارییەوە دەناڵێنن.”
سەدڕ نووسیویەتی، “نرخەكان بەرزمەكەنەوە، بەتایبەتی خۆراك و پۆشاك و سوتەمەنی و پێداویستییەكانی ژیانی ڕۆژانە.”
لە كۆتایی تویتەكەی سەرۆكی ڕەوتی سەدڕ-دا هاتووە، “دەستانێكی شاراوە هەن لە ناوخۆ و دەرەوەدا كە دەیانەوێت پارووی گەل زەوتبكەن بۆ ئەوەی وڵات و حزبەكانیان سوودمەند ببن.”
— مقتدى السيد محمد الصدر (@Mu_AlSadr) December 21, 2020
