سەرۆکی فەرەنسا رایگەیاند، لە پلانمدایە ئەمساڵ سەردانی عێراق بکەم.
ئیمانوێل ماکرۆن، سەرۆکی فەرەنسا لە کۆنفرانسێکی رۆژنامەوانیدا لە برۆکسل، رایگەیاند، “لەم ساتەدا کە ناسەقامگیری لە ناوچەکەدا هەیە، سەقامگیریی عێراق و رێزگرتن لە سەروەرییەکەی پایەیەکی زۆر گرنگی سەقامگیریی تەواوی ناوچەکەیە”.
سەبارەت بە هەڵبژاردنی ئەنجومەنی نوێنەرانی عێراق، سەرۆکی فەرەنسا رایگەیاند، “هەرگیز دەستوەردان لە هەڵبژاردن لە عێراق ناکەم و پێموایە سەرۆکوەزیران ئەجێندایەکی مەزنی بۆ وڵاتەکەی راگەیاندووە”.
وتیشی، “سۆزێکی زۆرم بۆ عێراق هەیە و لە پلانمدایە ئەمساڵ سەردانی ئەو وڵاتە بکەم”.
