ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 26ی خولی پلە یەکی ئیتاڵیا، یانەی ئەی سی میلان بردنەوەیەکی گرنگی بەرانبەر هیلاس ڤیرۆنا تۆمارکرد.
هیلاس ڤیرۆنا لە ئاریگای مارک ئانتۆنیۆ بێنتوجۆدی میوانداری میلانی کرد و یاری نێوانیان بە ئەنجامی دوو گۆڵی بێوەڵام لە بەرژەوەندی ئەستێرەکانی ستیفانۆ پیۆلی کۆتاییهات.
گۆڵەکانی ڕۆسۆنێری لە خولەکەکانی 27 و 50 لەلایەن ڕادی کرونیچ و دیۆگۆ دالوتەوە تۆمارکران.
بەپێی ئەنجامە تۆمارکراوەکە، میلان ژمارەی خاڵەکانی لە کۆی 26 یاری وەرزی 2020/2021 گەیاندە 56 و لە پلەی دووەمی ڕیزبەندی یانەکانی کالچیۆ بە جیاوازی سێ خاڵ لەدوای یانەی ئینتەرمیلانەوە جێگیربوو، لە بەرامبەردا یانەی هیلاس ڤیرۆنا بە 38 خاڵەوە لە پلەی هەشتەمی ڕیزبەندی خۆی گرتەوە.
