حكومەتی عێراق، بۆ ماوەی سێ مانگ موچە دەدات بە كرێكارانی خانەنشینبوو.
عادل ڕكابی، وەزیری كار و كاروباری كۆمەڵایەتیی عێراق، فەرمانیكرد بە خەرجكردنی بڕی 100 هەزار دینار بۆ هەر كرێكارێك كە خانەنشین بووبێت.
بەگوێرەی ڕاگەیەندراوی وەزیری كار كە ئەمڕۆ هەینی 5ی ئازار بڵاوكراوەتەوە، “ئەنجومەنی كارگێڕیی سندوقی بیمە و خانەنشینیی كرێكاران، لە دوا كۆبوونەوەیدا بڕیاریداوە پاداشتێك بەبڕی 100 هەزار دینار بۆ هەر كرێكارێكی خانەنشینبوو خەرج بكرێت.”
ڕاگەیەندراوەكە ئاشكرایكردووە كە ئەمڕۆ هەینی وەزیری كار و كاروباری كۆمەڵایەتیی عێراق، فەرمانیكردووە پارەكان بەسەر كرێكارانی خانەنشینبوودا دابەش بكرێن.
ڕوونیشیكردووەتەوە كە پاداشتەكە بۆ ماوەی سێ مانگ بەسەر ئەو كرێكارانەدا دابەش دەكرێت، تا ئەو كاتەی پرۆژەیاسای خانەنشینی و بیمەی كۆمەڵایەتیی كرێكاران پەسەند دەكرێت.
