یانە زەبەلاحەکان چاویان بڕیوەتە تواناکانی ئێرلینگ هالاندی هێرشبەری نەرویجی و لەبەر چەند هۆکارێک یانەی بوروسیا دۆرتمۆند ناچاردەبێت بیر لە فرۆشتنی بکاتەوە.
ڕۆژنامەی ئاسی ئیسپانی ئاشکرایکردووە، دوای پێشکەشکردنی ئاستێکی ناوازە لەلایەن زەبەلاحە نەرویجیەکەوە، یانە گەورەکان چاویان بڕیوەتە تواناکانی و هەریەکەیان بە شێوازێک هەوڵی گواستنەوەی دەدەن.
سەرەڕای ئەوەی بۆندی یاریزانی ناوبراو تاوەکو 2024 لە ڤیستیڤالین بەردەوامی هەیە، بەڵام پێناچێت یانە ئەڵمانیەکەی بتوانن لە هاوینی 2021 پارێزگاری لێبکەن.
یەکەم: بەپێی بەندێک لە بۆندی واژووکراوی نێوان هالاند و دۆرتمۆند، هاوینی 2022 نرخی شکاندنی بۆندەکەی دەبێتە 75 ملیۆن یورۆ، ئەو نرخەش بۆ گۆڵکارێکی نمرە یەک زۆر کەمە و پێشوەخت بەڕێوبەرانی دۆرتمۆند هەوڵدەدەن بیفرۆشن، لە کاتێکدا ترانسفێر مارکێت نرخەکەی بە 110 ملیۆن یورۆ خەمڵاندووە.
دووەم: زیانە داراییەکانی سەردەمی کۆرۆنا کاریگەری لەسەر بودجەی یانە زەردەکە دروستکردووە، تاوەکو ئێستا دووجار موچە و خەرجیاتی یاریزانانیان کەمکردووەتەوە، فرۆشتنی هالاند یاخود یاریزانێکی دیکە کاریگەری لەسەر دۆخە داراییەکان دروستدەکات.
سێیەم: پێگەی دۆرتمۆند لە خولی پەڵمانیا یەکێکی دیکەیە لە خاڵە نەرێنیەکان، بەوپێیەی لەم وەرزەدا لە پلەی شەشەمدان و بە جیاوازی پێنج خاڵ کەوتوونەتە دوای چوارەمی ڕیزبەندی (چوارەمی ڕیزبەندی دەگاتە خولی یانە پاڵەوانەکانی ئەوروپا)، ئەگەر لە گەیشتن بە خولەکە سەرکەوتونەبن، زیاتر لە 100 ملیۆن یورۆی دیکە زیانیان بەردەکەوێت و ئەم زیانە قورسانەش بە فرۆشتنی یاریزانێکی گەورە یان دووان نەبێت لە نمونەی هالاند و سانچۆ هەرگیز قەرەبوو ناکرێتەوە.
