گۆڵکاران لە خولە ناوخۆییەکانی ئەوروپا بەردەوامن لە ئەنجامدانی ڕوبەڕوبوونەوەکان و هەوڵدانیان بۆ خەڵاتی پێڵاوی ئاڵتونی، تاوەکو ئێستا هێرشبەرانی خولی ئەڵمانیا کۆنتڕۆڵی ڕیزبەندیەکەیان کردووە.
وەرزی 2019/2020 قۆناغی قۆرخکاری لیۆ میسی ئەفسانەی زیندووی بەرشلۆنە کۆتاییهات، چیرۆ ئیمۆبێلی ئیتاڵی هێرشبەری یانەی لازیۆ بە تۆمارکردنی 36 گۆڵ و کۆکردنەوەی 72 خاڵ خەڵاتەکەی بەدەستهێنا، بەڵام لەم وەرزەدا ڕۆبێرت لیڤاندۆڤیسکی و ئەندرێ سیلڤا لوتکەیان گرتووە.
بەپێی یاسا کارپێکراوەکانی (یوێفا)، هەر گۆڵێکی گۆڵکارانی پێنج خولە گەورەکەی ئەوروپا دوو خاڵی پێدەدرێت، لە بەرانبەردا خولەکانی دیکە لە نێوان خاڵ و نیو بۆ خاڵێک وەردەگرن.
تاوەکو 16ی شوباتی 2021، هێرشبەرانی بوندس لیگا لە لوتکەدان، ڕۆبێرت لیڤاندۆڤیسکی باشترینی جیهان و یانەی بایرن میونشن بە تۆمارکردنی 24 گۆڵ 48 خاڵی کۆکردووەتەوە، ڕاستەوخۆ بەدوایدا ئەندرێ سیلڤای پۆرتوگالی هێرشبەری یانەی ئینتراخت فرانکفۆرت دێت کە 18 گۆڵی تۆمارکردووە و 36 خاڵی چنیوەتەوە.
ڕیزبەندی گۆڵکارانی “خەڵاتی پێڵاوی ئاڵتونی” تاوەکو ئێستا بەم شێوەیەیە:
- ڕۆبێرت لیڤاندۆڤیسکی (بایرن میونشن): 24 گۆڵ و 48 خاڵ
- ئەندرێ سیلڤا (ئینتراخت فرانکفۆرت): 18 گۆڵ و 36 خاڵ
- محەمەد سەڵاح (لیڤەرپوڵ): 17 گۆڵ و 34 خاڵ
- جیۆرجیۆس جیاکۆماکیس (فینلۆ): 22 گۆڵ و 33 خاڵ
- پاول ئونواچو (جینک): 22 گۆڵ و 33 خاڵ
- ڕۆمێلو لوکاکۆ (ئینتەرمیلان): 16 گۆڵ و 32 خاڵ
- کریستیانۆ ڕۆناڵدۆ (یوڤانتۆس): 16 گۆڵ و 32 خاڵ
- لویس سوارێز (ئەتلەتیکۆ مەدرید): 16 گۆڵ و 32 خاڵ
- کیلیان مباپێ (پاریس سان جێرمان): 16 گۆڵ و 32 خاڵ
- لیۆنێل میسی (بەرشلۆنە): 15 گۆڵ و 30 خاڵ
- ئێرلینگ هالاند (دۆرتمۆند): 15 گۆڵ و 30 خاڵ
