تیروپشكی پاشكۆی پاڵاوتنەكانی ئەوروپا بۆ مۆندیالی 2022 ڕاكێشرا و ئیتاڵیا و پۆرتوگالیش لە یەك گروپدا یاریی دەكەن.
بە پێی تیروپشكەكە، هەر گروپێك چوار هەڵبژاردە لەخۆدەگرێت، لە هەر گروپێك یەك هەڵبژاردە دەگاتە مۆندیال.
لە گروپی یەكەمدا هەریەك لە هەڵبژاردەكانی سكۆتلەندا و ئۆكرانیا و وێڵز و نەمسا دەبینرێن.
لە گروپی دووەمیشدا ڕوسیا و پۆڵەندا و سوید و چیك ڕووبەڕووی یەك بوونەتەوە.
گروپی سێیەمیش، كە گروپە ئاگرینەكەیە، پۆرتوگال بەرامبەر توركیا یاریی دەكات و ئیتاڵیاش ڕووبەڕووی مەقدۆنیای باكوور دەبێتەوە.
لە ئەگەری بردنەوەی هەردوو هەڵبژاردەدا، لە یاریی كۆتایی گروپەكەیان بەیەكدەگەن، بەوەش لە نێوان هەردوو هەڵبژاردەی ئیتاڵیا و پۆرتوگال تەنها یەكێكیان مۆندیال دەبینن.
لەو 12 هەڵبژاردەیە، تەنها سێ هەڵبژاردە دەگەنە مۆندیال و یارییەكانیش 24 و 25ی ئایاری ساڵی داهاتوو دەستپێدەكەن.
