لە 10 ساڵی ڕابردوودا لە وڵاتانی ئەوروپا 91 هێرشی تیرۆرستی لەلایەن 132 جیهادییەوە ڕویداوە و ئێستاش لێکۆڵینەوەیەک سەلماندوویەتی لە ٪19 ی جیهادییەکان لە ئەوروپا دەژین.
سایتی دۆیتچلەندفۆنک، لێکۆڵینەوەیەکی بەریتانی بڵاوکردووەتەوە کە نیشانی دەدات شانە نوستووەکانی جیهادییەکان لە ئەوروپا بەردەوام خەریکی کاری ڕێکخستنن.
لێکۆڵینەوەکە ئاماژە بەوەدەکات، ” لە 132 جیهادی کە هێرشیان لە وڵاتانی ئەوروپا لە ماوەی ساڵانی 2012 تا 2020 ئەنجامداوە 25 کەسیان چاوەڕێی وەڵامی پەنابەری بوون.
بەپێی لێکۆڵینەوەکە وەڵامی مافی پەنابەری بە جیهادییەکان لەلایەن وڵاتانی ئەوروپاوە بە قورسی هاتووەتەوە و ئەو کەسانە لەژێر چاودێریدا بوون، بەڵام هیچ بەڵگەیەک نادەن بە دەستەوە کە دادگا بتوانێت لێکۆڵینەوەیان لەگەڵ بکات.
پۆلیسی ئەوروپا لەبارەی بوونی جیهادییەکانەوە ئاماژەی بەوەکردووە، بەشێکی زۆری جیهادییەکان بەبێ بوونی وەڵام لەلایەن وڵاتانی ئەوروپاوە دەژین و لە هەرکاتێکدا ئەگەری ئەوەیان هەیە بەشداری لە هێرشێکدا بکەن.
ئیدارەی پۆلیسی تاوانی ئەڵمانیا، لەبارەی بوونی جیهادییەکانەوە ئاشکرایکردووە، سەرەڕای ئەوەی جیهادییەکان لەگەڵ شەپۆلی پەنابەرانی نایاساییدا چونەتە وڵاتەکەوە، لە ساڵی 2012 تا 2020 یش 9 هێرشیان ئەنجامداوە.
