ئەمشەو، چوارشەممە یانەی بەرشلۆنە یاری قۆناغی 16ی جامی شای ئیسپانیای بەرانبەر ڕایۆ ڤایکانۆ ئەنجامدا و بردنەوەی تۆمارکرد.
بەرشلۆنە لە یاریگای تیرێزا ڕیڤێرۆ بووە میوانی ڕایۆ ڤایکانۆ و یاری نێوانیان بە ئەنجامی دوو گۆڵ بەرانبەر گۆڵێک لە بەرژەوەندی ئەستێرەکانی ڕۆناڵد کومان کۆتاییهات.
گۆڵەکەی ڤایکانۆ لە خولەکی 63 لەلایەن فیران تۆرێس و گۆڵەکانی بارساش لە خولەکەکانی 70 و 80 لەلایەن لیۆنێل میسی و فرینکی دی یۆنگەوە تۆمارکران.
بەپێی ئەنجامە تۆمارکراوەکە، بەرشلۆنە قۆناغی 16ی بڕی و سەرکەوتنی بۆ قۆناغی چارەکی کۆتایی مسۆگەرکرد، لە هەمان قۆناغدا و تاوەکو ئێستا یانەکانی لیڤانتی، ڕیاڵ بیتیس، ڤیاڕیاڵ، ئیشبیلیە سەرکەوتنیان بەدەستهێناوە.
