پاش دوو رۆژ، دووەمین دیداری یەکێتیی نیشتمانیی کوردستان لە شاری سلێمانی کۆتاییهات.
ئەمڕۆ چوارشەممە، دووەمین دیداری گشتیی یەكێتی، بە ئامادەبوونی بافڵ جەلال تاڵەبانی سەرۆكی یەكێتی و بەسەرپەرشتیی قوباد تاڵەبانی، سەرپەرشتیاری دیدارەکە و بە بەشداریی سەرۆك كۆماری عێراق و سەرجەم ئەندامانی مەكتەبی سیاسی، سەركردایەتی، ئەندامان و لایەنگرانی یەكێتیی نیشتمانیی كوردستان بەڕێوەچوو.
لیژنەكان پێكهاتوون لە لیژنەكانی (ژنان، پەیكەر و ئۆرگانەكانی حزب، گەنجان، پەیوەندییەكان، حكومەت، ناوچە دابڕێنراوەكان و ماددەی 140، پێشمەرگە و تێكۆشەرە دێرینەكان و شەهیدان) گفتوگۆ و كارەكانی خۆیان ئەنجامدا و کۆتایی بە دووەمین دیداری یەکێتی هات.
پێشتر یەكێتیی نیشتمانیی كوردستان بۆ ئەنجامدانی دووەمین دیدار، نۆ كۆنفرانسی ئامادەكاریی لە ناوچەکانی (موسڵ، بادینان، هەولێر، كۆیه، كەركوك، هەڵەبجە، سلێمانی، گەرمیان و ئیدارەی راپەڕین) ئەنجامدا و زیاتر لە 12 هەزار و 500 ئەندام و لایەنگری یەكێتی، بەشدارییان تێیدا كرد.
