تۆڕی میدیایی ئێستا ئامادەیە دیبەیتی مەریوان هەڵەبجەیی و عەبدولەتیف سەلەفی ڕێکبخات

تۆڕی میدیایی ئێستا ئامادەیە ئەو دیبەیتە ڕێکبخات کە ماوەیەکە لە نێوان مەریوان هەڵەبجەیی، وەک ڕەخنەگری ئایینی و عەبدولەتیف سەلەفی، ڕابەری زۆرینەی سەلەفییەکانی هەرێمی کوردستان باسیدەکرێت.

تۆڕی میدیایی ئێستا لەسەر ئەم پرسە گفتوگۆیەکی کورتی لەگەڵ هەردوو کەسایەتییەکە ئەنجامداوە و ئەم ڕونکردنەوەیە بۆ ڕایگشتی و ئەو دوو کەسایەتییە ڕادەگەیەنین.

یەکەم: دیبەیتەکە ڕوبەڕو و ڕاستەوخۆ دەبێت.

دووەم: جگە لە قەڵەم و کاغەزێکی سپی لەبەردەم هەردووکیاندا هیچ هۆکارێکی دیکەی بینین و بیستن ئامادە ناکرێت.

سێیەم: جگە لە پەخشی تۆڕی میدیایی ئێستا ئێمە هاوکار دەبین بۆ هەردوو بەڕێزان تا بتوانن لە پەیج و کەناڵی تەلەڤزیۆنیی ئامۆژگارییەوە دیبەیتەکە پەخش بکەن.

چوارەم: بۆ ئەوەی هیچ گرژییەک ڕونەدات، داوا لە هەردوو بەڕێزان دەکەین لە ماوەی 48  کاتژمێردا ڕەزامەندیی خۆیان لەسەر ئەم ناوەڕۆکە نیشان بدەن و بێ ڕوونکردنەوە لە پەیجەکانی خۆیان بڵاویبکەنەوە.

پێنجەم: دوای ئەو 48  کاتژمێرە تۆڕەکەمان لە ماوەی دوو بۆ سێ ڕۆژدا ئامادەکاریی دیبەتەکەی ئەو دوو کەسایەتییە دەکات.

بابەتی پێشتر

هەڵەبجە.. دوو تەرم لە مالێکدا دۆزرانەوە

بابەتی دواتر

قوباد تاڵەبانی: لە ڕۆژانی ڕابردوو کۆمەلێک بەربەستمان لە دانوستانەکاندا تێپەراندووە

بابەتی پەیوەندیدار