چالاکوانێکی مالیزی رایدەگەیەنێت، قوماری ئۆنلاین هاوشێوەی جگەرەکێشان وایە، تەندروستی و پارە و کاتت دەبات و لەبەرامبەردا ئالودەت دەكات و وتی، ئەو کەسانەی قوماردەکەن دەگەنە قۆناغێك چێژ وەردەگرن لە بەهەدەردانی داهاتەکەیان.
فێری ئیرواندی چالاكوان لە دیداری بەرەنگاربوونەوەی قوماری ئۆنلاین کە لە شاری جاکارتای پایتەختی مالیزیا بەڕێوەچوو رایگەیاند، قوماری ئۆنلاین دەبێتە هۆی ئالودەبوونی کەسی قومارکەر بە شێوەیەکی مەترسیدار و کاریگەری نەرێنی لەسەر تەندروستی و دەروون و داهاتی کەسەکە دروستدەکات.
وتیشی، “قوماری ئۆنلاین هاوشێوەی جگەرەکێشان وایە، چونکە کەسی جگەرەکێش چێژ لە کارەکەی وەرناگرێت، بەڵکو ئالودەی بووە و تەنها دەیەوێت کارەکەی وەک رۆتینێک ئەنجامبدات”.
لە قۆناغی سەرەتادا کەسەکان بە ئامانجی بردنەوەی برێک پارە قومارەکە دەکەن، یان بە ئامانجی دابینکردنی ژیانێکی شایستە و بەختەوەر، بەڵام سیستەمەکە بەجۆرێک دروست کراوە کە کاریگەری لەسەر هۆرمۆنی کەسەکە دروست دەکات و چێژێکی کاتی پێدەبەخشێت بۆ ئەوەی بەردەوام بێت، وەك ئەوەی فێری ئیرواندی ئاماژەی پێدا.
باسی لەوەشكرد، دوای ماوەیەک بردنەوەی پارەکەی بەلاوە گرنگ نابێت، بەڵکو خۆشی لە پرۆسەکە و بەهەردانی پارەکانی دەبینێت، چونکە مێشکی بەو جۆرەی دەوێت.
ئەو چالاكوانە لەکۆتایی قسەکانیدا باسی چارەسەری گونجاو دەکات و دەڵێت، حکومەت و لایەنە پەیوەندیدارەکان دەبێت هاوشانی دامەزراوە پەروەردەییەکان کاربکەن بۆ بڵاوکردنەوەی هۆشیاری لەناو کۆمەڵگادا.
