شاڵاو هیدایەت، شارەزای كەشناسی لە لێدوانێكدا بە تۆڕی میدیایی ئێستای راگەیاند، بەشێكی زستان و تەواوی وەرزی بەهار تەڕ و باراناوی دەبێت و گۆڕانگارییەكانی زەریای ئەتڵەسی بەرەو ئەرێنین و سەرڕووی پانتایی ئاوەكانی بە گشتی بەرەو گەرمبوون چوون، هەرچەندە تاوەكو ئێستا دۆخی دابارین لە بەشێكی ناوچەكانمان خراپە.
وتیشی،”پێشبینیدەكەین لەم مانگەدا دۆخەكە یەكەم هەنگاوی ئاساییبوونەوە و ئەرێنی و باش بوونەوە بنێت بەشێكی باشی زستان و تەواوی وەرزی بەهار تەڕ و باراناوی دەبێت”.
ئاماژەی بۆ ئەوەش كرد، لەم مانگەدا شەپۆلی باشی تێدایە لەناو نیوەی دووەمدا هەروەها تەواوی مانگەكانی دیكەش شەپۆلی بەهێزی تێدەكەوێت ئەمەش سوودی خۆی دەبێت بۆ زیادبوونەوەی ئاوی ژێر زەوی و سەر زەوی و بەربوومی كشتوكاڵی و دوورخستنەوەی ناوچەكان لەوشكی.
