لە ئەمڕۆوە تاوەکو 19ی ئەم مانگە، قۆناغی یەکەمی پرۆسەی سەرژمێری لە هەرێم و عێراق دەستپێدەكات و تیمەكان سەردانی ماڵی هاوڵاتییان دەكەن بۆ زانینی ژمارەی تەواوی ئەندامانی خێزانەكان و چەند پرسیارێکی دیکەیان لێدەکەن.
بەگوێرەی ئەو پلانەی کە لەلایەن وەزارەتی پلاندانانی عێراقەوە دیاریکراوە بۆ کارمەندانی سەرژمێری دەبێت وەڵامی چەند پرسیارێک لە هاوڵاتییان وەربگرنەوە کە ئەمانەن:
یەکەم: بوونی سەرۆک خێزان و پەیوەندی ئەندامەکانی خێزانەکە لەگەڵ سەرۆک خێزان چییە؟
دووەم: مێژووی لەدایکبوونی هەریەک لە ئەندامانی خێزانەکە
سێیەم: ئاینی خێزانەکە چییە؟
چوارەم: دایک و باوک لە ژیاندا ماون یاخود نا
پێنجەم: دۆخی تەندروستیی هەموو ئەندامانی خێزانەکە و هەر کێشەیەک کە بەدەستییەوە دەناڵێنن
شەشەم: بڕوانامە و دۆخی کار و پیشە، روونکردنەوە لەسەر ئەوەی لە کەرتی تایبەت یاخود لە کەرتی گشتی کاردەکەن
حەوتەم: ئەو خانووەی کە تیایدا دەژین هی خۆیانە یاخود کرێیە
هەشتەم: ئەو کەلوپەلانەی خێزانەکە خاوەندارێتی دەکەن لەناو خانووەکەدا.
