بەیانی ئەمڕۆ لەگەڵ کردنەوەی بازاڕەکانی دراو لە شارەکانی هەرێمی کوردستان 100 دۆلاری ئەمریکی بەرامبەر بە 152 هەزار و 250 دینار مامەڵەی پێوەکرا.
لە ماوەی دوو هەفتەی رابردوودا بەهای 100 دۆلاری ئەمریکی لە سەروو 153 هەزار دیناردا مامەڵەی پێوەدەکرا.
پێشتر، بەر لە پەرەسەندنی گرژییەکانی رۆژهەڵاتی ناوەڕاست بەهای 100 دۆلار لە نزیک 150 هەزار دیناردا جێگیر ببوو.
بەهای رەسمیی دۆلار لە بانکی ناوەندیی عێراق 132 هەزار دینارە، بەڵام لە بازاڕەکاندا جیاوازی هەیە لەکاتی ئاڵوگۆڕدا.
