لە ناحیەی تازەی سەر بە پارێزگای کەرکوک باوکێک بە تۆمەتی کوشتنی منداڵە سێ مانگانەکەی دەستگیرکرا.
بەپێی ئەو زانیارییانەی دەست پەیامنێری تۆڕی میدیایی ئێستا کەوتوون، درەنگانی شەوی رابردوو لە ناحیەی تازە سەر بە پارێزگای کەرکوک باوکێک منداڵە تەمەن سێ مانگانەکەی خۆی هەڵداوەتە ناو تانکی سەربانی ماڵەکەیان و خنکاوە.
هەر بە پێی زانیارییەکان، دوای رووداوەکە دایکی منداڵەکە هێزە ئەمنییەکانی ئاگادارکردووەتەوە و کاتێک گەیشتوون تەرمی منداڵەکەیان دەرهێناوەتەوە و باوکەکەشیان دەسگیرکردووە.
زانیارییەکان ئاشکرایانکردووە، باوکەکە نەخۆشی دەروونی هەبووە و لەگەڵ هاوسەرەکەی کێشەیان هەبووە، لە ئێستادا بەپێی ماددەی 406 راگیراوە و لێکۆڵینەوە لە رووداوەکە بەردەوامە.
