لیژنەکانی چاودێریی تەندروستیی سلێمانی دەستیانگرت بەسەر زیاتر لە 38 تۆن برنجی نەشیاودا و ئەو بڕە برنجە لەلایەن لیژنەی تایبەتەوە لەناوبراوە.
لە راگەیەندراوی لیژنەکانی چاودێریی تەندروستیی سلێمانیدا هاتووە، “لەدرێژەی هەوڵەكان بۆ چاودێریكردنی شوێنە گشتییەكان و پاراستنی تەندروستیی هاوڵاتییان و رێگریكردن لە بەكارهێنانی خۆراك و كاڵای نەشیاو، دەستگیرا بەسەر بڕی 38 تۆن و 500 کیلۆگرام برنجی نەشیاودا”.
ئاماژە بەوەکراوە، هۆکاری خراپبوونی برنجەکە بۆ ئەوە دەگەڕێتەوە کە شوێنی هەڵگرتنەکەی لە کۆگادا نەشیاوبووە و بووەتەهۆی خراپبوونی.
راشیگەیاندووە، پاش ئەنجامدانی پشكنینی تاقیگەیی بۆ ئەو برنجە و دەركەوت شیاو نییە بۆ خواردن، بۆیە بڕیاردرا بە لەناوبردنی ئەو بڕە برنجە.
