ئەمڕۆ لە هەرێمی کوردستان قۆناغی دووەمی هەڵبژاردنی ئەزموونی بەڕێوەدەچێت و لە کاتژمێر 12:30ی نیوەڕۆ ئەنجامەکان رادەگەیەندرێت.
سەبارەت بە ئامادەکارییەکانی خولی شەشەمی هەڵبژاردنی پەرلەمانی هەرێمی کوردستان کۆمسیۆنی باڵای سەربەخۆی هەڵبژاردنەکانی عێراق لە ژمارەیەک وێستەگە هەڵبژاردنی ئەزموونی ئەنجامدەدات و بڕیاریشە ئەنجامەکان کاتژمێر 12:30ی نیوەڕۆی ئەمڕۆ رابگەیەندرێت.
پێشتر جومانە غەلای، وتەبێژی کۆمسیۆنی باڵای سەربەخۆی هەڵبژاردنەکان رایگەیاندبوو، كۆمسیۆن دوو پرۆسەی هەڵبژاردنی ئەزموونی لە 181 وێستگەی دەنگدان بە مەبەستی تاقیکاریی و هەڵسەنگاندن ئەنجامدەدات.
