ئەو خۆپیشاندانەی بڕیاربوو لەلایەن بەشێك لە فەرمانبەرانی گرێبەستەوە لە بەردەم ئەنجومەنی وەزیرانی هەرێم لە هەولێر ئەنجامبدرێت، رێگری لێكرا.
پەیامنێری تۆڕی میدیای ئێستا لە هەولێر پێیڕاگەیاندین، بڕیاربوو ئەو فەرمانبەرانە لە بەردەم پەرلەمانی كوردستانەوە بە رێپێوان بچنە بەردەم ئەنجومەنی وەزیران، بەڵام رێگرییان لێكرا.
وتیشی، “هێزێكی زۆری ئەمنی لە نزیك ئەنجومەنی وەزیران و بە درێژایی شەقامی شەست مەتری بۆ رێگری لە خۆپیشاندانەكە بڵاوەی پێكرا”.
باسی لەوەشكرد، دوای رێگرییەكە، سەرەڕای چەند هەوڵێكی پەیوەندی، نەیتوانیوە وتەی نوێنەرانی فەرمانبەرانی گرێبەست وەربگرێت.
