بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، یەکەم رۆژی جەژن شەپۆلێکى تۆز و خۆڵ ناوەڕاستى عێراق دەگرێتەوە و کاریگەرییەکەى بە سوکى دەگاتە هەندێک ناوچەى هەرێم بە تایبەت کەرکوک و گەرمیان.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، “پێشبینى دەکرێت سبەینێ بەیانى ئاسمانى هەرێم نیمچە هەور بێت وهەندێک کات دەگۆڕێت بۆ هەورى تەواو لەگەڵ بارینى نمە باران و هەورە تریشقە لە کاتەکانى بەیانى زوودا لە ناوچەکانى باکورى هەرێم پاشان کاریگەرییەکەی درێژدەبێتەوە بۆ ناوەڕاست و رۆژهەڵات و ئیدارەى راپەڕین و هەندێک ناوچەى گەرمیان”.
ئاماژەی بەوەشکرد، “شەپۆلێکى تۆز و خۆڵ ناوەڕاستى عێراق دەگرێتەوە و کاریگەریەکەى بە سوکى دەگاتە هەندێک ناوچەى هەرێم بە تایبەت کەرکوک و گەرمیان و پلەکانى گەرما (2-3) پلە نزم دەبنەوە”.
ئاشکراشیکرد، “لەبەرئەوەى لە وەرزی بەهارداین ئەگەرى گۆڕانکاری هەیە لە کەشوهەوادا، ئەگەرى روودانى تاوە باران و هەورە بروسکەى لە ناکاویش هەیە لە هەر ناوچەیەک”.
