راگەیەندراوێك لە سەرۆکایەتیی شارەوانیی سلێمانییەوە

سەرۆکایەتیی شارەوانیی سلێمانی دەڵێت، “داخستنی مەیدانی ئاژەڵان لە ناوچەی نیشتەجێبوون، گەورەترین خزمەتە بە تەندروستیی ئێستا و ئاییندەی هاوڵاتییان”.

لە راگەیەندراوێكدا سەرۆکایەتیی شارەوانیی سلێمانی ئەمڕۆ شەممە رایگەیاند، داخستنی مەیدانی ئاژەڵان لە ناوچەی نیشتەجێبوون، گەورەترین خزمەتە بە تەندروستیی ئێستا و ئاییندەی هاوڵاتییانی شاری سلێمانی و بە تایبەت گەڕەکەکانی دەوروبەری مەیدانەكە.

راگەیەندراوەكە دەڵێت، لە پێناو بەرژەوەندیی گشتی و پاراستنی تەندروستیی هاوڵاتییاندا، ماوەیەکی زۆر لە هەوڵدابووین بۆ ئەوەی مەیدانی ئاژەڵان بگوازرێتەوە بۆ شوێنێکی گونجاو و تەندروست. لە ئێستادا مەیدانی نوێ بە شێوەیەکی مۆدێرن و بەپێی ستانداردە جیهانییەکان دروستدەکرێت و خزمەتگوزاریی تەواوی بۆ دابیندەکرێت.

جەختیشدەكاتەوە، “لە ماوەیەکی کەمدا دوو پڕۆژەی گرنگمان لەو سنوورە جێبەجێکردووە: یەکەم، خزمەتگوزاریی دروستکردنی تۆڕی ئاوەڕۆی سندوقیمان خستە بواری جێبەجێکردنەوە لە کۆتایی ساڵی رابردوودا و كارەكانی لە تەواوبوون نزیكبوونەتەوە. دووەمیش چۆڵکردنی مەیدانی ئاژەڵان و گواستنەوەیەتی”.

بابەتی پێشتر

بە بەشداریی زانكۆكانی سلێمانی و هەڵەبجە، یەكەم كۆنفرانسی نێودەوڵەتیی هەورامانناسی لە سنە بەرێوەچوو

بابەتی دواتر

نەوزاد شێخ كامیل: هەر هاوڵاتییەك هێلكەی وەرگرت شكابوو یاخود خراپ بوو بیگەڕێنێتەوە

بابەتی پەیوەندیدار
Total
0
Share