بەڕێوەبەرایەتیی پۆلیسی دارستان و ژینگەی سلێمانی رایدەگەیەنێت، بەهۆی ئاگرێکەوە لە سنووری دوو گوندی شارباژێڕ نزیکەی 200 دۆنم پوش و پاوان سووتان.
لە راگەیەندراوێکدا بەڕێوەبەرایەتیی پۆلیسی دارستان و ژینگەی سلێمانی ئاماژە بەوە دەکات، ”ئاگرێک لە سنووری گوندەکانی گۆڕەدێم و موبڕە روویدا و بەهۆیەوە نزیکەی 200 دۆنم پوش و پاوان و داری سروشتی و چەند باخێکی هاوڵاتییان سووتان، هەروەها رێگری لە سووتانی چەندین رەز و باخی دیکە کرا”.
ئەو بەڕێوەبەرایەتییە دەشڵێت، ”بە تۆمەتی هۆکاری کردنەوەی ئاگرەکە هاوڵاتییەك بە فەرمانی دادوەر دەستگیرکرا”.
