وەزارەتی شارەوانی و گەشتوگوزار لە ڕێگەی گشتاندنێکەوە، مەرج و پێداویستییەکانی دروستکردنی کەپری گەشتیاری بڵاوکردووەتەوە و دەڵێت، “هەر کەپرێکی نوێی دروستبکرێت دەبێت بە گوێرەی مەرجەکان بێت”.
وەزارەتی شارەوانی و گەشتوگوزار ئاماژەی بەوەکردووە، مەرجەکانی بە گوێرەی یاسا و پلانسازی رێکخستووە و ئاڕاستەی دەستەی گەشتوگوزار کراوە.
باس لەوەشکراوە، دروستکردنی کەپری گەشتیاری بەمەبەستی پەرەپێدان و رێکخستنەوەی ناوچە گەشتیارییەکانی کەناری رووبار و سەرچاوە ئاوییەکانە، کە لەم دوایانەدا خواستی دروستکردنی کەپر لەو شوێنانە لە زیادبووندایە.
بە گوێرەی نوسراوی وەزارەتەکە، جەخت لەوەکراوەتەوە کەرەستەی ناوخۆیی و دۆستی ژینگە بەکاربهێندرێت و پێویستە مەرجەکانی سەلامەتی لە هەموو روویەکەوە لەبەرچاوبگیرێت و رێز لە توخمە مێژوویی و کەلتوورییەکانی ناوچەکان بگیرێت و شێوازی کەپرەکان لەگەڵ شێوازی ناوچەکاندا یەکبگرێتەوە و دیمەنە سرووشتییەکە تێکنەدەن.
بۆ خوێندنەوەی تەواوی مەرج و رێنماییەکانی دروستکردنی کەپر هەر کەسێک خوازیاربێت دەتوانێت کلیک لەم بەستەرەبکات.
