وتەبێژی بزوتنەوەی گۆڕان لە کۆنفرانسێکی رۆژنامەوانیدا رایگەیاند، “پێویستە پەرلەمانی کوردستان کارابکرێتەوە”.
دلێر عەبدولخالق، وتەبێژی بزوتنەوەی گۆڕان لە کۆنفرانسێکی رۆژنامەوانیدا رایگەیاند، لە کۆبوونەوەکەی پیرمامدا وتمان دەبێت پەرلەمانی کوردستان کارابکرێتەوە و سەرۆکایەتییەکەی هەڵبژێردرێت.
دەشڵێت، هەروەها داوامانکرد بە خێرایی حکومەتی نوێی هەرێم پێکبهێندرێت و سەرۆکایەتیی هەرێم و پەرلەمان بەرپرسیاربن لە دانوستانێکی جددی لەگەڵ حکومەتی عێراق.
وتیشی، لە کۆبوونەوەکەدا وتمان، داهاتی نەوتی و نانەوتیی هەرێم ناڕوونە، خەڵک ژیان و مووچەی دەوێت، نابێت کێشە سیاسییەکان تێکەڵ بە سفرەی هاوڵاتییان بکرێت.
