بەڕێوەبەرایەتیی گشتیی كارەبای سلێمانی رایدەگەیەنێت، كارەبای ژمارەیەك دوكان و شوێن بڕدران كە بە نایاسایی كارەبایان راكێشابوو، و پارەیەكی زۆریش قەرزداربوون.
بەپێی راگەیەندراوێكی بەڕێوەبەرایەتیی گشتیی كارەبای سلێمانی كە تێیدا هاتووە، ئەمڕۆ سێشەممە، هۆبەكانی چاكسازیی كارەبای قەزای پێنجوێن، سەیدسادق و زەڕایەن بە هاوكاریی هێزەكانی پۆلیس و ئاسایش، كارەبای ژمارەیەك دوكان و شوێنیان بڕی.
لە راگەیەندراوەكەدا هاتووە، ئەو شوێنانە بە نایاسایی كارەبایان راكێشابوو، هاوكات پارەیەكی زۆری كارەباش قەرزداربوون.
