وەزارەتی کشتوکاڵی عێراق رایگەیاند، گەیشتوینەتە ئاستی خۆبژێویی لە بەرهەمهێنانی گەنمدا کە بڕەکەی بە زیاتر لە یەک ملیۆن و 200 هەزار تۆن مەزەندە دەکرێت.
لە بەیاننامەیەکدا وەزارەتی کشتوکاڵی عێراق ئاماژەی بەوە کردووە، ”بەرهەمهێنانی گەنم لە عێراق بۆ وەرزی کشتوکاڵی 2023-2024 گەیشتووەتە شەش ملیۆن و 400 هەزار تۆن کە ئاستی خۆبژێویی تێپەڕاندووە بە زیاتر لە یەک ملیۆن و 200 هەزار تۆن”.
عەباس جەبار مالکی، وەزیری کشتوکاڵی عێراق جەختی لە گرنگی بەرهەمهێنانی تۆوی پاککراوە و باش وەک ئامادەکارییەک بۆ وەرزی داهاتوو بۆ چاندنی گەنم کردەوە و دەڵێت، ”کاریگەری ئەرێنی دەبێت لەسەر بەرهەمهێنانی گەنم لە عێراق لەڕووی چەندایەتی و کوالێتیەوە”.
