زیاتر لە 400 گەشتیی ئاسمانی لە كەنەدا بەهۆی مانگرتنێكی لەناكاوی كارمەندانی تەكنیكیی فڕۆكە راگیرا.
میدیاكان بڵاویانكردەوە، كۆمپانیای وێست گەیت، دووەم گەورە كۆمپانیای فڕۆكەوانی لە كەنەدا رایگەیاندووە كە 407 گەشتی ئاسمانی راگیراوە و كاریگەری لەسەر 49 هەزار گەشتیار دروستكردووە پاش راگەیاندنی مانگرتن لە كار لەلایەن سەندیكای كرێكارانی چاكسازی-یەوە.
مانگرتنە لەناكاوەكە، كە لە ئێوارەی هەینی رابردووەوە دەستیپێكردووە، كاریگەری لەسەر گەشتە ئاسمانییە نێودەوڵەتی و ناوخۆییەكان دروستكردووە.
بەپێی میدیاكان، كۆمپانیاكە ئەمڕۆ بەردەوام دەبێت لە راگرتنی فڕۆكەكانی كە پشووی كۆتایی هەفتەیە. ئاماژەشیداوە، خاوەنی نزیكەی 200 فڕۆكەیە و تا ئێوارەی ئەمڕۆ نزیكەی 30 فڕۆكەیان دەخاتەوە كار.
