سەرۆكی ماوە تەواوبووی ئەمریكا بۆ دواجار كۆشكی سپی جێهشێت.
دۆناڵد ترەمپ، سەرۆكی ماوە تەواوبووی ویلایەتە یەكگرتووەكانی ئەمریكا (كەمێك پێش ئێستا) كۆشكی سپی بەجێهێشت.
بەپێی دەستور و ڕێوشوێنە یاساییەكانی ئەمریكا دوای هەڵبژاردن لە 3ی تشرینی دووەم و دواتریش یەكلابوونەوەی ئەنجامی هەڵبژاردنەكان، ڕۆژی 20ی كانونی دووەم دیاریكراوە بۆ ماڵئاوایی سەرۆكی ماوە تەواوبوو و سوێندخواردن و دەستبەكاربوونی سەرۆكی نوێی هەڵبژێردراو.
بڕیاریشە هەر ئەمڕۆ كاتژمێر 8 بەكاتی كوردستان جۆ بایدن، سەرۆكی هەڵبژێردراوی ئەمریكا سوێندی یاسایی بخوات و وەك سەرۆكی ئەو وڵاتە دەستبەكاربێت.
دوێنێ ترەمپ وتاری ماڵئاوایی خۆی لە ڤیدیۆیەكی 20 خولەكیدا بڵاوكردەوە و تیایدا باسی لە دەستكەوتەكانی كابینەكەی كرد و وتی، “ئابوری و پێگەی ئەمریكامان بەجۆرێك بەهێز كرد كە لە مێژوودا وێنەی نەبووە”.
