غەریب ئەحمەد، ئەندامی ئەنجومەنی نوێنەرانی عێراق سەبارەت بە کۆبوونەوەی رۆژی شەممەی ئەنجومەنەکە دەڵێت، ”چەند تەوەرێک لەخۆدەگرێت و گرنگترینیان هەڵبژاردنی سەرۆکی ئەنجومەنی نوێنەرانە”.
لە لێدوانێکیدا بۆ تۆڕی میدیایی ئێستا ئەو ئەندامەی ئەنجومەنی نوێنەرانی عێراق رایگەیاند، ”رۆژی شەممە ئەنجومەنی نوێنەران کۆدەبێتەوە لەسەر چەند تەوەرێک و گرنگترینیان هەڵبژاردنی سەرۆکی ئەنجومەنی نوێنەران و دەنگدانە بۆ درێژکردنەوەی تەمەنی کۆمسیۆنی باڵای سەربەخۆی هەڵبژاردنەکانی عێراق”.
دەشڵێت، ”پشکی سەرۆکی ئەنجومەنی نوێنەران بۆ سوننەکان یەکلایی بووەتەوە و هەریەکە لە سالم عیساوی و مه‌حمود مه‌شهه‌دانی دوو رکابەری دیاری سونەکانن بۆ وەرگرتنی ئەو پۆستە”.
بە گوێرەی خشتەی كاری كۆبوونەوەی ئەنجومەنی نوێنەرانی عێراق بڕیارە رۆژی شەممە 18ی ئەم مانگە كاتژمێر 1:00ی پاشنیوەڕۆ ئەنجومەنەکە كۆببێتەوە.
