کونسوڵخانەی ئەمریکا لە هەولێر لە ساڵڕۆژی کیمیابارانکردنی هەڵەبجەدا پەیامێکی بڵاوکردەوە و ئاماژەی بەوەکردووە، ئەمڕۆ 36هەمین ساڵڕۆژی کۆمەڵکوژیە دڕاندانەکەی هەڵەبجەیە کە تیایدا رژێمی پێشووی عێراق چەکی کیمیایی بەکارهێنا و بووە هۆی گیان لەدەستدانی زیاتر لە 5 هەزار کەسی مەدەنی بێتاوان.
لە راگەیەندراوەکەدا ئەوەشخراوەتەڕوو، لەم ساڵرۆژە ناخۆشەدا کە رۆژی پرسەباریە بۆ هەموو عێراقیەکان و بە تایبەت لە هەرێمی کوردستان، کونسوڵخانەی ئەمەریکا لە هەولێر لەگەڵ گشت لایەک لە جیهانەوە بەشدارە لە یادکردنەوەی ئەو کەسانەی کە گیانیان لەدەستدا و برینداربوون.
جەختیشکراوە، بەردەوام دەبن بۆ پێکەوەکارکردن لەگەڵ یەکتر بۆ رێگریکردن لەوەی هەرگیز کارەساتی قێزەونی لەو جۆرە روونەدەنەوە و برەوبدرێت بە پرنسیپی ئاشتی و لەیەکتر تێگەیشتن و فرەیی.
