بەرپرسی مۆزەخانەی ئەمریکی بۆ مێژووی سروشتی لە فڕۆکەخانەی ئیستانبوڵ بە هەزار و 500 نموونەی جاڵجاڵۆکە و دووپشکەوە دەستگیرکرا.
میدیاکانی تورکیا بڵاویانکردەوە، لۆرێنزۆ بریندینی شارەزای جاڵجاڵۆکە لە مۆزەخانەی ئەمریکی بۆ مێژووی سروشتی لە کاتی هەوڵدانی بۆ بەقاچاخبردنی نموونەی جاڵجاڵۆکە و دووپشک دەستگیرکراوە.
ئەو بەرپرسە لەناو جانتا دەستییەکەیدا نموونەی ئەو زیندەوەرانەی بە مردوویی لە کیسەی جیاجیادا هەڵگرتبوو.
دوای دەستگیرکردنی ئەو بەرپرسە رایگەیاندبوو، ئەو زیندەوەرانەی لە 30 وڵات کۆکردووەتەوە و توێژینەوەی لەسەر دەکات.
