بەڕێوەبەرایەتیی پۆلیسی دهۆک بڵاویکردەوە، لە سەنتەری ناحیەی بامەڕنێی دهۆک، گەنجێکی تەمەن 19 ساڵ لە ماڵی هاوڕێیەکی خۆی بە چەکی کڵاشنکۆف کوژرا.
لە راگەیەندراوەکەی پۆلیسدا ئاماژە بەوەکراوە، گەنجەکە لە ماڵی هاوڕێیەکی خۆی بووە و بە چەکی کڵاشینکۆف بە سەختی بریندارکراوە.
ئەوەش خراوەتەڕوو، دوای گواستنەوەی بریندارەکە بۆ نەخۆشخانەی فریاکەوتنی دهۆک، بەهۆی سەختی برینەکەی لە نەخۆشخانە گیانی لەدەستداوە.
باس لەوەشکراوە، تۆمەتبارەکە دەستگیرکراوە و پەڕاوی لێکۆڵینەوەی بۆ کراوەتەوە.
