ماوریسیۆ پۆچتینۆ، ڕاهێنەری نوێی یانەی پاریس سانت جێرمان نیشانەی لە یەکێک لە ناودارترین یاریزانانی یانەی مانچستەر سیتی گرتووەتەوە.
ڕۆژنامەی بێلد سپۆرتی ئەڵمانی لەزاری لێپرسراوی کارەکانی سێرجیۆ ئەگوێرۆ، برونۆ ساتینەوە ئاشکرایکردووە، لەسەر ڕاسپاردەی ماوریسیۆ پۆچتینۆ بەرێوبەرانی پاریس سانت جێرمان پەیوەندیان بە یاریزانە ئەرجەنتینیەکەوە کردووە.
بەپێی زانیارییەکانی برونۆ ساتین لە کەناڵ پلەسی فەرەنسی، گواستنەوەی ئەگوێرۆ بۆ پاریس دەبێتە چیرۆکی کۆتا ساتەکانی میرکاتۆ، ئەگەر لە زستان واژوونەکرێت لە هاوینی 2021 مسۆگەرە.
بێلد دووپاتیدەکاتەوە، ئەگوێرۆ یەکێکە لە باشترین گۆڵکارەکانی پریمەرلیگ و لە هاوینی 2021 بۆندەکەی کۆتاییدێت، بەڵام تاوەکو ئەم ساتە بۆندەکەی نوێنەکراوەتەوە لە میرکاتۆی هاوین بێبەرانبەر دەتوانێت پەیوەندی بە یانەیەکی دیکەوە بکات.
سەرچاوەکان ئاماژەیان بە هۆکاری سەرەکی گواستنەوەکە کردووە و نوسویانە، گواستنەوەی ئەگوێرۆی تەمەن 32 ساڵ ئامادەکارییە بۆ کڕینی مێسی، چونکە دووانەی ناوبراو پەیوەندی هاورێیانەی توندوتۆڵیان هەیە.
