حکومەتی هەرێم بڕی پارەی خەرجکراو بۆ موچەی ئاشکراکرد

فەرمانگەی میدیا و زانیاریی حکومەتی هەرێمی کوردستان ئاشکرایکرد، لە ساڵی رابردوودا 8 موچەی دابەشکردووە و بۆ ئەو هەشت موچەیەش شەش ترلیۆن و 500 ملیار دیناری خەرجکردووە.

بەپێی ڕاگەیەنراوەکەی حکومەتی هەرێم، ” ئەو پارەیەی حکومەتی هەرێمی کوردستان بۆ پێدانی مووچە دابینی کردووە، 63.8٪ بووە و  ئەوەی حکومەتی عێراقیش 36.1٪ـی کۆی گشتیی مووچەی دابینکردووە.

ڕاگەیەنراوەکەی حکومەتی هەرێم باس لەو بڕە پارەیە دەکات کە بەهۆی لێبڕینەوە لە موچەخۆران بڕاوە و 11 ملیار و 880 ملیۆن دینار لە مانگەکانی، کانوونی دووەم، شوبات، ئازار و نیسان لەلایەن حکومەتی فیدراڵییەوە بۆ قەرزی بانکە ئەهلییەکان.

خشتەکە ئاماژە بەوەشدەکات، حکومەتی عێراق بڕی 400 ملیار دیناری ناردووە، کە دابەشکراوە بەسەر خانەی چوار و پێنجەم بۆ پێدانی دوو مووچە، بەڵام لە مانگەکانی (5-6-7-10-11-12) حکومەتی عێراق هیچ بڕە پارەیەکی بۆ حکومەتی هەرێمی کوردستان نەناردووە.

بەپێی داتای فەرمانگەی میدیا و زانیاریی حکومەتی هەرێمی کوردستان، حکومەت لە ساڵی 2020، شەش تریلیۆن و 505 ملیار و 988 ملیۆن و 307 هەزار و 176 دیناری عێراقی بۆ مووچەی فەرمانبەرانی تەرخانکردووە.

فەرمانگەی میدیا و زانیاری حکومەتی هەرێم، موچەی مانگەکانی4، 7، 9 و 11ـی دابەش نەکراوە.

بابەتی پێشتر

ئەستێرەیەکی مان سیتی دەبێتە یەکەم گەورە بۆندی پۆچتینۆ لە پاریس

بابەتی دواتر

یوڤانتۆس لە کڕینی بەهرەدارێکی ئەمریکی نزیکبووەتەوە

بابەتی پەیوەندیدار
زیاتر ببینە

گەنجێك لە شارەزوور كوژرا

گەنجێك لە شارەزوور بەهۆی لە دەست دەرچوونی فیشەك خۆی و دایكی برینداركرد و، بەهۆی كاریگەریی برینەكەیەوە گیانیلەدەستدا. سەرچاوەیەكی…
Total
0
Share