لە باشووری چین بەهۆی داڕمانی رێگایەکی خێرا 36 کەس گیانیان لەدەستدا و 30 کەسی دیکەش برینداربوون.
میدیاکانی چین بڵاویانکردەوە، لە ئاکامی ئەو بارانە بەخوڕەی ناوچەکەی گرتووەتەوە رێگایەکی خێرا لە هەرێمی کواندۆگی پیشەسازی لە باشووری چین داڕما و لە ئەنجامدا 36 کەس گیانیان لەدەستدا و 30 دیکەش برینداربوون کە برینی ژمارەیەکیان سەختە.
قووڵی ئەو چاڵەی لە ئەنجامی داڕمانی زەوییەکە دروستبووە، 18 مەتر بووە و ژمارەیەکی زۆر ئۆتۆمبێلی تێکەوتووە و حکومەتی چین تیمێکی 500 کەسی بۆ بەهاناوەچوونی قوربانییەکان بۆ شوێنی رووداوەکە ناردووە.
