بەڕێوەبەرایەتیی هاتوچۆی دەربەندیخان رایدەگەیەنێت، دوای ئەوەی لەسەر رێگای گشتیی دەربەندیخان – سلێمانی ئۆتۆمبێلێكی بارهەڵگر كە سووتەمەنییەكی زۆری ڕشتبوو بەسەر شەقامەكە و رێگاكە بۆ ماوەی پێنج كاتژمێر داخرا و بەهەوڵ و ماندووبوونی مەفرەزەكانمان و فەرمانگە خزمەتگوزارییەكانی دیكەی شارەكە توانرا كاتژمێر7ی ئێوارە رێگاكە بكرێتەوە.
بەپێی راگەیەندراوێكی بەڕێوەبەرایەتیی هاتوچۆی دەربەندیخان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ كاتژمێر 1:30 خولەكی پاشنیوەڕۆ لەسەر رێگای گشتیی دەربەندیخان – سلێمانی و نزیك گوندی بیركێ، ئۆتۆمبێلێكی بارهەڵگر كە سووتەمەنییەكی زۆری ڕشتبوو بەسەر شەقامەكەدا و بووە هۆی ئاستەنگی هاتوچۆ و رێگاكە بۆ ماوەی پێنج كاتژمێر داخرا.
هەر لە راگەیەندراوەكەدا هاتووە، بە هەوڵ و ماندووبوونی مەفرەزەكانمان و فەرمانگە خزمەتگوزارییەكانی دیكەی شارەكە توانرا كاتژمێر7ی ئێوارە رێگاكە بكرێتەوە.
