بافڵ جەلال تاڵەبانی سەرۆکی یەکێتیی نیشتمانیی کوردستان ئەمڕۆ یەکشەممە پێشوازیکرد لە برایسۆن ریچاردسۆن باڵیۆزی بەریتانیا لە بەغداد و گفتوگۆیان لەبارەی دوایین گۆڕانکارییەکانی عێراق کرد.
لە دیدارەکەدا گفتوگۆ لەبارەی دوایین گۆڕانکارییە ئابووری و سیاسییەکانی عیراق کرا و هەماهەنگی نێوان هێز و لایەنە سیاسییەکان بۆ سەرخستن و جێبەجێکردنی بەرنامەی حکومەتی نوێ تاوتوێکرا.
بافڵ جەلال تاڵەبانی ئاماژەی بە هەنگاوەکانی ئەمدواییەی حکومەتی نوێ کرد و رایگەیاند، هەنگاوەکانی حکومەت و کارکردن بە ئاڕاستەی جێبەجێکردنی دەستوور و سەروەریی یاسا لە وڵات جێگەی دڵخۆشییە و دەبێت هەموومان لەم قۆناغە هەستیارەی عیراقدا پاڵپشت و پشتیوانی حکومەت بین، ئەویش لەپێناو گەیاندنی عیراق بە کەنارێکی ئارام و بونیادنانی داهاتوویەکی گەشتر.
