وەزیری دەرەوەی ئەمریكا داوای دەستپێكردنەوەی هەناردەی نەوتی هەرێمی كوردستان دەكات و سەرۆك وەزیرانی عێراق دوو رێگا بۆ دەستپێكردنەوەی هەناردەی نەوتی هەرێم دەخاتەڕوو.
دیلان غەفور ئەندامی وەفدەكەی عێراق لە ئەمریكا كە یاوەریی محەمەد شیاع سودانی سەرۆك وەزیرانی عێراق دەكات لە لێدوانێكیدا بە تۆڕی میدیایی ئێستای راگەیاند، كەمێك پێش ئێستا كۆبوونەوەی وەفدەكەی عێراق لەگەڵ ئەنتۆنی بلینكن وەزیری دەرەوەی ئەمریكا كۆتاییهات و لە كۆبوونەوەكەدا باس لە پرسی وزە كراوە و داوایكرد كە عێراق بۆ پرسی وزە پشت بە خۆی ببەستێت و ئەمریكاش هاوكاردەبێت.
وتیشی، “لە كۆبوونەوەكەدا بلینكن داوایكرد كێشەكانی نێوان هەرێم و بەغداد بە دانوستان چارەسەربكرێن و داواشیكرد هەناردەی نەوتی هەرێم دەستپێبكاتەوە و سەرۆك وەزیرانی عێراق رایگەیاند، بۆ دەستپێكردنەوەی هەناردەی نەوتی هەرێم دەكرێت لە رێگای هەمواركردنەوەی یاسای بودجەوە بێت یاخود هەمواركردنەوەی گرێبەستە نەوتییەكان كە حكومەتی هەرێم ئەنجامیداوە دەست بە هەناردەی نەوتی هەرێم بکرێتەوە.
