بە گوێرەی ئاژانسە هەواڵییەکان، لە حمس و بانیاس و جبلە قەدەغەی هاتوچۆ لەلایەن بەڕێوبەرایەتی ئۆپەراسیۆنە سەربازییەکان لە سوریا راگەیەندرا، ئەوەش بۆ کەمکردنەوە گرژییەکان.
دوابەدوای ئەوەی درەختێکی کریسمس لەلایەن گرووپە چەکدارەکانی تەحریر شامەوە سووتێندرا، کاردانەوەی بەدواداهات و دوێنێ و ئەمڕۆ لە چەند ناوچەیەکی سوریا خۆپیشاندان ئەمجامدرا.
دوابەدوای سوتانی درەختی گەورەی کریسمس لە شاری حەما، خۆپیشاندان لە چەندین شاری سوریا دەستیپێکرد، لەوانەش حمس، حەما، دیمەشق، و چەند ناوچەیەکی دیکەی وڵاتەکە.
لەلایەکی دیکەوە، هێرشەکانی سەر مەزارگەی ئەلحوسێن بن حەمدان ئەلخەسیبی لە شاری حەلەب کاردانەوەی بەدواداهات، کە مەزارێکی عەلەوییەکانە و خۆپیشاندەران دروشمی تووڕەییان بەرزکردەوە کە داوای دادپەروەری و سەلامەتی دەکەن.
بە گوێرەی زانیارییەکان، لە خۆپیشاندانەکانی دوێنێ و ئەمڕۆدا چەند چەکدارێکی نەناسراو تەقەیان کردووە چەند کەسێک کوژراون و برینداربوون
ئەمڕۆ چوارشەممە، بەڕێوبەرایەتی ئۆپەراسیۆنە سەربازییەکان لە سوریا، سەپاندنی قەدەغەی هاتوچۆی لە پارێزگاکانی لازقیە و حومس راگەیاند، ئەوەش دوای خۆپیشاندانی بەرفراوان لە ناڕەزایەتی دەربڕین بەرامبەر بە رووداوەکانی کوشتن کە عەلەوییەکانیان کردە ئامانج.
ئەمەش لە کاتێکدایە، لەماوەی دوو رۆژی رابردوودا، گرژی لەنێوان ئەندامەکانی هێزەکانی تەحریر شام و هاوڵاتییان لە تەرتوس و لازقیە و حەلەب و حەما دروستبووە.
