قوباد تاڵەبانی، جێگری سەرۆك وەزیران لە میانەی سەردانەكەیدا بۆ ئیدارەی گەرمیان، سەردانی قائیمقامییەتی كفری كرد و لەگەڵ قائیمقام و بەرپرسانی ئیداریی قەزاكە كۆبووەوە و دواتر سەردانی بەنداوی باوەشاسواری كرد.
هەر لە كۆبوونەوەكەدا قوباد تاڵەبانی داوای لە بەرپرسانی ئیداریی قەزاكە كرد هەموو جۆرە كارئاسانییەك بكەن بۆ باشتر خزمەتكردن و جێبەجێكردنی داواكاریی هاوڵاتییان و شیوازی مامەڵە لەگەڵ خزمەتخواز باشتربكرێت.
لە سەردانەكەدا تاوتوێی رێكارەكان و چۆنییەتی دروستكردنی ناوچەیەكی گەشتیاری لەسەر بەنداوەكەكرا و داوایكرد دەستەی گەشتوگوزار بە هاوكاریی ئیدارەی گەرمیان لە نزیكترین ماوەدا پڕۆژەی گەشتیاریی بەنداوی باوەشاسوار بخەنە بواری جێبەجێكردنەوە و راشیگەیاند كە ریكارە یاسایی و كارگێڕییەكانی ئەم پڕۆژەیە بە زووترین كات تەواودەبن كە چەندین هەلی كار دەڕەخسێنێت و دەبێتە هۆكارێك بۆ پەرەپێدانی ژێرخانی ئابوریی دەڤەرەكە.
