پارێزگاری هەولێر رایدەگەیەنێت، ئەمڕۆ 14 هەزار پارچەزەویی دیکە بەسەر فەرمانبەراندا دابەشدەکرێت.
ئومێد خۆشناو، پارێزگاری هەولێر رایگەیاند، ئەمڕۆ لە درێژەی پرۆسەی دابەشکردنی زەوی بەسەر فەرمانبەر، لە قۆناغی دووەمی دابەشکردنی زەوی لە سنووری سەرۆکایەتیی شارەوانیی هەولێر، 14 هەزار پارچەزەوی بەسەر فەرمانبەراندا دابەشدەکرێت.
ئاماژەی بەوەشکرد، هەڵبژاردنی ناوی ئەو فەرمانبەرانەی سوودمەندن، بە شێوازی تیروپشک دەبێت.
