بە تۆمەتی راوکردنی ماسی، چوار کەس دەستگیرکران و دەست بەسەر چەند کەلوپەلێکی راوکردندا گیرا.
بەڕێوەبەرایەتیی پۆلیسی دارستان و ژینگەی راپەڕین، لە راگەیەندراوێکدا بڵاویکردەوە، ئەمرۆ دوای ئەوەی زانیاریمان پێگەیشت کە چەند کەسێک لە سنووری(گردە مارە) بە نیازی راوکردن بوون دوای چاودێریکردنیان مەفرەزەیەکی سەر بە بەڕێوە بەرایەتیمان توانییان چوار راوچی دەستگیربکەن و دەست بەسەر (دوو ماتۆڕسکیل، دوو قولاپ) دا بگرن.
لە راگەیەندراوەکەدا هاتووە، لە لایەکی دیکەوە لە سنووری (شمشارە) دەست بەسەر (بەلەمێکی چووپ، یەک شەداو) دا گیرا کە خاوەنەکانیان نادیاربوون، پەڕاوی لێکۆڵینەوە کرایەوە و بۆ گرتنەبەری رێکاری یاسایی رادەستی دادوەرکرا.
