پۆلیسی سلێمانی دوو تۆمەتباری دەستگیرکرد کە زیاتر لە هەزار کارتۆن هێلکەی نەشیاویان پێبووە و بەنیازبوون ساغیبکەنەوە.
بەپێی بەڕێوەبەرایەتیی پۆلیسی سلێمانی، لە سەید سادق دوو تۆمەتباریان دەستگیرکردووە کە بڕی هەزار و 300 کارتۆن هێلکەیان لە بارهەڵگرێکدا پێبووە، هێلکەکان هیچ بەروارێکی دەرچوون و بەسەرچوونیان لەسەر نەبووە.
ئاماژە بەوەکراوە، نەبوونی بەروار لەسەر هێلکە پێچەوانەی رێنماییە تەندروستییەکانە، بەڵام خاوەنەکەی بەنیازبووە ئەو هێلکانە ساغبکاتەوە، بۆیە تۆمەتبارەکان دەستگیرکراون و هێلکەکانیش دەستیانبەسەرداگیراوە.
