بەهۆی تۆمەتبارکردنی بە هەبوونی ژمارەیەک کاتژمێری رۆلێکس پۆلیسی پیرۆ هەڵیکوتایە سەر ماڵی سەرۆکی وڵاتەکە.
ئەمڕۆ شەممە پۆلیسی پیرۆ هەڵیکوتایە سەر ماڵی دینا پۆلۆوارتی سەرۆکی وڵاتەکە و بە 40 کەس هەڵمەتێکی گەڕان و پشکنینیان بۆ دۆزینەوەی ئەو کاتژمێرە گرانبەهایانە ئەنجامدا کە ماوەیەک لەمەوبەر دەنگۆی ئەوە بڵاوبووەوە کە خاوەندارێتیان دەکات.
ئەم هەڵمەتە لەدوای ئەوە دێت لە راپۆرتێکی رۆژنامەوانیدا وا بڵاوکرابووەوە کە ناوبراو ژمارەیەک کاتژمێری دەستی لە مارکەی رۆلێکس کڕیوە.
هەرچەندە پۆلۆوارتی رەتیکردەوە کە جگە لە یەک کاتژمێر زیاتری هەبێت، بەڵام ئەمە رێگریان لە لێکۆڵینەوەکان نەکرد.
