ئەمشەو، چوارشەممە لە چوارچێوەی ڕوبەڕوبوونەوەکانی هەفتەی 16ی خولی پلە یەکی ئیتاڵیا، یانەی یوڤانتۆس بردنەوەی بەرانبەر ئەی سی میلان تۆمارکرد.
ئەی سی میلان لە یاریگای سان سیرۆ میوانداری یانەی یوڤانتۆسی کرد و یاری نێوانیان بە ئەنجامی سێ گۆڵ بەرانبەر گۆڵێک لە بەرژەوەندی کریستیانۆ و هاوڕێیانی کۆتاییهات.
گۆڵەکانی بیانکۆنێری لە خولەکەکانی 18 و 62 و 76 لەلایەن فیدریکۆ کیێزا (دوو گۆڵ) و ویستۆن ماکینی و تاکە گۆڵەکەی میلانیش لە خولەکی 41 لەلایەن داڤید کالابریاوە تۆمارکران.
بەهۆی ئەم ئەنجامەشەوە ڕیزبەندی یەکەم و دووەمی یانەکانی کالچیۆ هاوشێوەی هەفتەی ڕابردوو بەردەوامبوو، میلان بە 37 خاڵ لە پلەی یەکەم و ئینتەر بە 36 خاڵ لە پلەی دووەم، بەڵام یانەی یوڤانتۆس بە داماڵینی سێ خاڵی یاری لوتکە لە پلەی حەوتەمەوە بە 30 خاڵەوە بۆ پلەی چوارەم هەڵکشا.
ئەنجامەکانی تر:
کالیەری 1-2 بینیڤێنتۆ
ئاتالانتا 3-0 پارما
بۆلۆنیا 2-2 ئودینێزی
کرۆتۆنی 1-3 ڕۆما
لازیۆ 2-1 فیۆرنتینا
سامپدۆریا 2-1 ئینتەرمیلان
ساسولۆ 2-1 جێنەوا
تۆرینۆ 1-1 هیلاس ڤیرۆنا
ناپۆلی 1-2 سپیزیا
