جۆ بایدن، سەرۆكی هەڵبژێردراوی ئەمریكا، چەند خولەكێك لەمەوبەر وتارێكی بەشێوەیەكی ڕاستەوخۆ پێشكەش كرد و ناڕەزایی خۆی دژ بە خۆپیشاندان و توندوتیژیی لایەنگرانی ترەمپ دەربڕی.
لە سەرەتای وتارەكەیدا، بایدن وتی، “ئەوانەی هێرشیانكردە سەر كۆنگرێس خۆپیشاندەر نین و ئاژاوەگێڕن، ئەوەی كە ڕویدا دەستدرێژیكردنە سەر پیرۆزترین دامەزراوەی وڵاتەكەمان بوو.”
ڕاشیگەیاند، “ئەوەی دەكرێت خۆپیشاندان نییە و من زۆر شۆكبووم بەوەی ئەمریكا گەیشتووە بەم دۆخە و ئەوە خەمباریكردم. دیموكراسیی ئەمریكا كەوتووەتە بەر هەڕەشە و مەترسی و پێویستە هەمووان دادپەروەربین و هەوڵی باشتر بدەین و وڵاتەكەمان بپارێزین.”
لە درێژەی وتارەكەیدا، جۆ بایدن داوای لە دۆناڵد ترەمپ كرد بێتە سەر شاشەكان و داوای كۆتاییهێنان بەو گرژییانە بكات و وتی، “دەبێت ترەمپ لە ئاستی بەرپرسیارێتیدا بێت و كۆتایی بە پشێوی بهێنێت و بەرگری لە دەستوور بكات.”
سەرۆكی هەڵبژێردراوی ئەمریكا جەختیشیكردەوە كە “پەسەندكردنی ئەنجامەكانی هەڵبژاردنی سەرۆكایەتی، جێبەجێكردنی ئەركی پیرۆزی دیموكراسییەكەمانە.”
