یاریدەدەری سەرۆك وەزیرانی هەرێم رایدەگەیەنێت، سبەی وەزارەتی دارایی هەرێم لیستی مووچە رادەگەیەنێت و سەرەتای هەفتەی داهاتوو دەست بە دابەشكردنی مووچەی مانگی شوبات دەكرێت.
رێباز حەملان یاریدەدەری سەرۆك وەزیرانی هەرێم لە دیدارێكی تەلەفزیۆنیدا رایگەیاند، چاوەڕواندەكرێت سبەی بەغداد تەواوكاریی مووچەی مانگی شوبات بنێرێت و وەزارەتی دارایی هەرێم لیستی مووچەی ئامادەكردووە و سەرەتای هەفتەی داهاتوو دەست بە دابەشكردنی مووچەی مانگی شوبات دەكرێت.
راشیگەیاند، بۆ دابەشكردنی مووچە پێویستمان بە 940 ملیار دینار هەیە، بەڵام حكومەتی عێراق 602 ملیار دیناری ناردووە و تا ئەو كاتەی مووچە بە بانكی دەكرێت ناردنی پارەی تەرخانكراو بۆ مووچەی مووچەخۆرانی هەرێم بەپێی ئەو رێككەوتنەی لە نێوان هەرێم و بەغداد كراوە بەردەوامدەبێت.
