مەبەست لە ژەهراویبوون بە کافایین خواردنەوەی زیاد لە پێویستی ئەو خواردنەوانەیە کە کافایانییان تێدایە.
بەپێی ئیدارەی خۆراک و دەرمانی ئەمریکا، بڕی رێگەپێدراوی خواردنەوەی کافایین 400 میلیگرامە لە رۆژێکدا، کە دەکاتە چوار بۆ پێنج کوپ قاوە، بەڵام هەندێک کەس زیادەڕەوی لەم بڕەدا دەکەن و تەنانەت هەندێک جار دەگات بەوەی لە رۆژێکدا بڕی هەزار و 200 میلیگرام کافایین بخۆنەوە، کە ئەم زیادەڕەوییە زۆرجار سەردەکێشێت بۆ ژەهراویبوون بە کافایین.
چۆن دەزانیت کەسێک بە کافایین ژەهراوی بووە؟
ئەو کەسەی بڕێكی زیاد لە پێویست قاوە دەخواتەوە و هەریەکە لە نیشانەکانی دروستبوونی دڵەڕاوکێ، زۆربوونی لێدانەکانی دڵ، تێکچوونی گەدە، سەرئێشە و رشانەوە.
پێویستە ئەو کەسەی کە هەست دەکات بە قاوە ژەهراوی بووە و هەست بە بوونی ئەو نیشانانەی سەرەوە دەکات پێویستە بە زووترین کات سەردانی نەخۆشخانە بکات و چارەسەری پێویست وەربگرێت، چونکە لە هەندێک حاڵەتدا رەنگە ئەو ژەهراویبونە سەربکێشێت بۆ مردن.
